Sevinc Pərvanənin dünyası
Niloşla ayaqüstü söhbət
-Sən ağlama, qızım, qoy erməni bəbələri ağlasın.
-Ana, erməni bəbələri hardadır ki...
-Cəhənnəmin dibində.
-Bəs niyə ağlasınlar, yazıq deyillər.
-Yox, yazıq deyillər, yazıq ilan vursun yalansa onları...
-Bəbələriiiii?
-Yox, bəbələri yox, qızım.
-Bəs bayaqdan deyirdin bəbələri.
-Hirslənmişdim, dedim, bax daha demirəm.
-Ana, mən erməni bəbələri ilə oynamaq istəyirəm e...
- Qızım Zemkayla oynayarsan da sən.
-Zemka məndən küsüb.
-Barışarsız.
-Yox e...yox e... mən erməni bəbələri ilə oynamaq istəyirəm.
-Olmaz qızım. Onlar uzaqdadır axı...
-Harda? Cəhənnəmdə?
-Hə... Cəhənnəmdə.
-Bəbələəər?
-Yox. Bəbələri demirəm ki...
-Bəs bayaqdan deyirdin bəbələəər?
-Bəbələrin ataları, anaları cəhənnəmdədir, özləri yox.
-Bəs onda bəbələr hardadır?Ana mən oynuyum da onlarnan.
-Yox qızım. Onlar pis bəbələrdir. Biz onların yanına gedə bilmərik. Sənin oyuncaqlarını alıb sındırarlar.
-Onların özlərinin oyuncaqları yoxdur?
Var. Səninkini də istəyirlər. Ona görə pisdirlər də.
-Verərəm oynadarlar. Sonra da qaytararlar.
-Qaytarmaq istəməyəcəklər axı. Nə alırlar, geri vermirlər.
-Mən xahiş eləyərəm, verərlər.
Sağların şeiri
yuxularımda dostlarımı dar ayaqda atıb gedirəm
uçurum kənarlarında
mitinq qovğalarında
polis dəyənəyi altında
iti ağızlı qap-qara köpəyin önündə
kömək etmək istəyirəm
həmvətənlərimə
zindanlara düşmək istəyirəm
onlarla birgə
vurulmaq istəyirəm
baş-gözü qan içində
sinələrinə saplanan bıçaqlara
sinə gərmək istəyirəm
“istefa”-deyə bağırmaq istəyirəm
içimdən gəldiyi qədər...
sabahlayıb meydanlarda.
söymək istəyirəm qoşulub onlara birağızdan
tüpürmək istəyirəm qarşımdakı
plokatdan baxan şeytani sifətə...
onların bu savaşda
nə qədər haqlı olduqlarını bilirəm
bilirəm ki
qorxmamalıyam
lazım gəlsə ölməli
döyülməli
güllələnməli
amma onları qorumalıyam
amma hər dəfə
o qara köpəkdən qorxuram
dostlarımı dar ayaqda atıb gedirəm
və dəqiq bilirəm
gerçək həyatda da
bu qara köpəyə güvən olmaz
sizi dar ayaqda atıb gedərəm
namussuzca
qorxaqca
qəhbəcə
inqilabi fikirlərinizi
yanımda açıb ağartmaqdan saqının
hakimiyyəti devirməyə qalxsanız
susun
ağzınızdan qaçırmayın
sata bilərəm sizi
cəsusluq törədə bilərəm
üzü divara dirəyib güllələyin məni dostlar
onlar sizi güllələmədən öncə...
2002-ci ilin retro şeirləri
bu gün öldürdüm
“sən” adlı səni ürəyimdə
əliqanlı qatil kimi
vicdanımla baş-başayam
bəlkə
məni mühakimə edəsən
hökm verəsən
və əbədi dustaq kimi
həbs edəsən ürəyində
nə cəza desən
çəkərəm
vallah...
***
ölümü gözləmək-
başqalaşmağa
özgəsinə çevrilməyə ümiddir.
***
nə qədər ki, yazdı
güllər yarışmırlar heç vaxt
kim dərəcək onları
nə vaxt...
qızlar tələsirlər amma...
***
ağlaya-ağlaya
boşaltdım içimi
quruda qaldı sevgimizin qayığı
daha üzmür vüsala sarı...
yelkənləri əl edir uzaqlara
yelkənlər ayrılıq rəngində
ovulub töküldü xatirələr tək
sarı-sarı yarpaqlar
bitdi yağışlar fəsli
xoşbəxtlik yadımdan çıxıb
hardasa qaldı
yadıma salma...
***
qulağımda
pıçıltılı duadır səsin
heyf ki, anlamaq çətin...
ayırmaq olmur nə söylədiyini
gecənin pıçıltılarından
heyf ki...
radio kimi
qaldırmaq olmur xatirələrin səsini
istədiyin an...
indi anlamadığım bir dildə
dinləyirəm səni
həmişəki kimi...
***
yalnız
sinəndə qəlbinin partlayacağı ana
dəhşətli bir əzabla
yaxınlaşdığını duyarkən
sən özünün olursan...
nə təəssüf ki...
tez də itirirsən indicə tapdığını-
ürəyin partlaya bilmir
sadəcə dolur...
dolur...
və birdən
elə sakit-sakit boşalır ki...
***
sən gəldin
xəyanət etdim tənhalığıma
çıxıb tənhalığın qucağından
sənə döndüm...
indi nədən çox qorxduğunu bilirəm
haqlısan mənə inanmamaqda
xəyanət tiryəkə bənzəyir...
***
səndə gecələrin bəyazlığını
zamanın azlığını sevdim...
səndə tapa bilmədiklərimi
başıma çəkdim
bir içim su kimi
susdum...
dilsiz-ağızsız sevdim
qol qoymadım başqaları tək
şərtlər
tələblər dolu kağızlara
şərti şumda kəsmədən
bezmədən
taleyimdən küsmədən
qanunsuz
kağızsız sevdim...
qorxdum ki, səni bir daha
bu qədər sevən olmasın
bir az da yazıq bilib sevdim
bağışla...
amma sevdim
canımdan artıq
dəli kimi...
Açar sözlər:
Şərhlər
"Yeni RUH" daşlanmış etik və estetik təfəkkürlərin məhv edilməsi üçün yaradılmış bir saytdır. Məqsəd gəncləri keçmişə arxa çevirməyi aşılamaq yox, keçmişə boylanaraq gələcəyin yolunu arayıb axtarmaqdır. Özünü gənc sayan hər bir kəs bizlə əməkdaşlıq edə bilər. Yazılarınızı, irad və təkliflərinizi ramin.deko@gmail.com, ramin.deko@inbox.az, ramin_deco@box.az internet poçtlarına göndərə bilərsiniz.
Əlaqə: 055-745-61-17 Ramin DEKO
- Ədəbiyyat (75)
- Gənclik (9)
- Mədəniyyət (32)
- Siyasət (200)
- Fəlsəfə (12)
- FOTO (10)
- Yeni Ruhlu layihə (13)
- Media Generalı (2)
- Media (5)
- Sentyabr 2008 (1)
- İyul 2008 (10)
- İyun 2008 (7)
- May 2008 (8)
- Aprel 2008 (29)
- Mart 2008 (23)
- Fevral 2008 (45)
- Yanvar 2008 (95)
- Dekabr 2007 (76)
- Noyabr 2007 (7)
- Oktyabr 2007 (8)
- Sentyabr 2007 (40)
- Avqust 2007 (11)
- Rəbiqə (343)
- Azad Yazarlar (244)
- MEDİAFORUM (321)
- Tənqd.Net (224)
- KULTAZ (406)
- Bizim Yol (329)
- Pərviz (480)
- Qəşəm Nəcəfzadə (230)
- Azadlıq qəzeti (370)
- Azadlıq radiosu (388)
- Gün səhər (394)
- Musavat (411)
- Bizimkilər (357)
- Bakı Zaman (307)
- ALMA (268)
- Qaynar xəbərlər (244)
- Artyazar (285)
- Ulu Öndər (312)
- Forum (307)
- Dizayn edin (311)
- Nazim Hikmətin saytı (379)
- Region (351)
- Eloğlu (283)
- Turxanın bloqu (176)
- Legioner (69)
- İndi blogda: 7
- Keçən ayın hiti: 5718
- Dünənki hit: 318
- Bugünki hit: 246
- Ümumi hit: 164502
bir mütilik, taleyi ilə barışma duyulur bu şeirlərdə (erməni bəbələri haq. şeirdən başqa)
İyun 11, 2008 5:54Müharibəni siyasətçilər törədir, məsum cocuqlar (irqindən, millətindən asılı olmayaraq) isə bu prosesdə məhv edilir